Fréttir: ágúst 2021

Íbúar Garðabæjar eiga von á sendingu með póstinum á morgun, 1. september en þá verður borinn í hús dagskrárbæklingur sem inniheldur yfirlit yfir alla viðburði og dagskrá sem í boði eru í Hönnunarsafni Íslands, Bókasafni Garðabæjar og í Tónlistarskóla Garðabæjar í haust.

Ný reglugerð um tilslakanir á samkomutakmörkunum tók gildi 28. ágúst og gildir til 17. september nk. 

Mánudaginn 30. ágúst nk. kl. 17:00 verður haldinn íbúafundur þar sem kynntar verða deiliskipulagstillögur fyrir íbúðabyggð í Víðiholti og hesthúsahverfi í Breiðumýri en báðar tillögurnar eru í forkynningu til og með 8. september 2021. Fundurinn verður í beinu streymi á fésbókarsíðu bæjarins.

Skólasetning grunnskóla í Garðabæ er í dag þriðjudaginn 24. ágúst. Í vetur verða um 2550 nemendur í 1.-10. bekk í öllum grunnskólum Garðabæjar.

Sóttvarnalæknir hefur endurskoðað leiðbeiningar um sóttkví á öllum skólastigum og í frístundastarfi og félagsmiðstöðvum. Með breytingunum má gera ráð fyrir að færri þurfi að sæta sóttkví ef smit kemur upp.

Uppskeruhátíð Sumarlesturs Bókasafns Garðabæjar var haldin laugardaginn 21. ágúst síðastliðinn. 

Flestir á Álftanesi þekkja hann Denna, eða Svein Bjarnason, sem býr á Álftanesi og hefur í mörg ár unnið m.a. við gangbrautarvörslu og hjálpað börnunum yfir götur á morgnana þegar þau eru á leið í skólann.

Garðabær auglýsir til sölu byggingarrétt fyrir atvinnuhúsnæði á lóðunum Þorraholt 2 og 4 í Hnoðraholti norður.

Álftaneslaug, bæði inni og útilaug, verður lokuð frá 9. ágúst til og með 24. ágúst vegna árlegs viðhalds og hreinsunar. Stefnt er að því að opna laugina aftur þriðjudaginn 24. ágúst kl, 6:30. Líkamsrækt og salir verða opnir fyrir æfingar þrátt fyrir lokun sundlaugarinnar.

Nú þegar sumarið fer senn að taka enda og haustið tekur við, auglýsir Garðabær nokkuð af lausum störfum í bænum. 

Heilbrigðisráðherra hefur ákveðið í samræmi við tillögu sóttvarnalæknis að framlengja gildandi reglugerð um samkomutakmarkanir um tvær vikur, þ.e. til og með 27. ágúst.