Sameining samþykkt
Sameining Garðabæjar og Álftaness var samþykkt í báðum sveitarfélögunum í íbúakosningu á laugardaginn.
Í Garðabæ kusu 5.417 manns af 8.506 sem eru á kjörskrá, sem gerir 63.68% kjörsókn.
Niðurstöður kosninga í Garðabæ:
Já | 2.822 |
Nei | 2.492 |
Samtals | 5.314 |
Auðir og ógildir | 103 |
Samtals | 5.417 |
Af þeim sem tóku afstöðu sögðu því 53,11% já og 46,89% nei.
Tekur gildi 1. janúar 2013
Sameiningin tekur formlega gildi 1. janúar 2013. Fram að þeim tíma verður unnið að undirbúningi hennar hjá sveitarfélögunum. Bæjarstjórn Garðabæjar tekur við stjórn nýja sveitarfélagsins við sameiningu og mun stýra því fram að sveitarstjórnarkosningum 2014. Bæjarstjórn Álftaness gegnir hlutverki ráðgefandi hverfisstjórnar á þeim tíma.
Nýr Garðabær
Nýja sveitarfélagið mun heita Garðabær og þar verða íbúar tæplega 14 þúsund. Sveitarfélagið verður um 4.700 ha að stærð.