Áhugaverðar bækur og hugleiðingar um Garðabæ
Afmælishátíð Bókasafns Garðabæjar í tilefni af 25 ára afmæli safnsins lauk í gær með upplestrarkvöldi í félagsmiðstöðinni Garðabergi. Á upplestrarkvöldinu komu fram þeir Jón Yngvi Jóhannesson bókmenntafræðingur og Rúnar Helgi Vignisson rithöfundur og bæjarlistamaður Garðabæjar 2006. Jón Yngvi greindi áhorfendum frá helstu bókum sem komu út í fyrra og álit hans á þeim. Rúnar Helgi ræddi sína sýn á mannlífið í Garðabæ og greindi frá niðurstöðum sínum með gagnrýnum og jafnframt gamansömum hætti. Þetta er þriðja árið í röð sem upplestrarkvöld undir yfirskriftinni Bókin og birtan eru haldin á vegum Bókasafns Garðabæjar og menningar- og safnanefndar.
Áhorfendur fylgdust vel með bókmenntaumræðum kvöldsins.
Jón Yngvi Jóhannsson bókmenntafræðingur
Rúnar Helgi Vignisson rithöfundur og þýðandi.