Mozart við kertaljós í Garðakirkju
Mozart við kertaljós verður í Garðakirkju miðvikudaginn 21. desember kl. 21:00.
Mozart við kertaljós verður í Garðakirkju miðvikudaginn 21. desember kl. 21:00.
Hópurinn Camerarctica hefur leikið ljúfa tónlist eftir Mozart í þrjátíu ár rétt fyrir jólin og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu. Hópinn skipa að þessu sinni þau Ármann Helgason, klarinettuleikari, Eydís Franzdóttir óbóleikari, Hildigunnur Halldórsdóttir og Bryndís Pálsdóttir fiðluleikarar, Svava Bernharðsdóttir víóluleikari og Sigurður Halldórsson sellóleikari.
Á dagskránni verða tvær af perlum Mozarts Óbókvartettinn kv. 370 og hinn margrómaði Klarinettukvintett kv. 581. Að venju lýkur tónleikunum á því að Camerarctica leikur jólasálminn góða,” Í dag er glatt í döprum hjörtum” úr Töfraflautunni eftir Mozart og verða kirkjurnar einungis lýstar upp með kertaljósum.
Tónleikarnir verða í eftirfarandi kirkjum:
- Hafnarfjarðarkirkju mánudagskvöldið 19. des.
- Kópavogskirkju þriðjudagskvöldið 20. des.
- Garðakirkju miðvikudagskvöldið 21. des.
- Dómkirkjunni í Reykjavík fimmtudagskvöldið 22. des.
Tónleikarnir eru klukkustundarlangir og hefjast þeir allir klukkan 21.00.
Aðgangseyrir er kr. 3500 og kr. 2500 fyrir nemendur og eldri borgara og frítt inn fyrir börn.
Miðasala á Tix.is og við innganginn.